O 16 de xullo de 2019, tivo lugar no Edificio Emprendia a primeira reunión de socios do proxecto SPIN_UP “Definición e implementación de NLT para a promoción de SpinOffs Universitarias e StartUps innovadoras” que, liderado por Uninova, está co- financiado polo Programa de Cooperación INTERREG V-A España-Portugal (POCTEP) 2014-2020.
UNINOVA, a incubadora de empresas da Universidade de Santiago de Compostela e do Concello de Santiago, organiza unha xornada para presentar os resultados acadados no marco do programa europeo de mobilidade ERASMUS for Young Entrepreneurs , do cal Uninova é Intermediary Organisation, o venres 25 de xaneiro de 2019 no Edificio Emprendia da Universidade de Santiago (Campus Vida), en horario de 9.00h. a 16.00h.
Traballo en equipo e ‘aprender facendo’ son as claves do Programa Argos da USC, que mantén aberta ata o 5 de decembro a inscrición para alumnado de posgrao, máster, doutoramento ou últimos anos de grao, titulados/as das últimas promocións e persoal ou colaboradores integrados en grupos de investigación.
Do 17 de setembro de 2018 ao 25 de xaneiro de 2019
Xa está aberto o prazo de inscrición ao curso de innovación AKADEMIA, organizado pola Fundación da Innovación Bankinter en colaboración coa Universidade de Santiago de Compostela e Uninova.
A Área de Valorización, Transferencia e Emprendemento da Universidade de Santiago de Compostela, en colaboración con UNINOVA convoca un ano máis o “Concurso de Ideas Empresariais Innovadoras da USC”.
Uninova (Sociedade para a promoción de Iniciativas Empresariais Innovadoras, S.L.), impulsada pola USC e o Concello de Santiago de Compostela, ofrece asesoramento, aceleración e soporte á creación de iniciativas empresariais fortemente innovadoras. Xestiona ademáis o Edificio Emprendia, con máis de 3.000 m2 de espazos de incubación dispoñibles para empresas altamente innovadoras e un ecosistema completo de apoio ao emprendemento.
Servizos de Incubación Virtual
Asesoramento e seguimento de proxectos
Acceso á oferta formativa propia e externa
Domiciliación social e fiscal da empresa na nosa dirección
Información sobre axudas
Atención telefónica
Inclusión da empresa na web
Recepción de correspondencia
Salas de reunión do Edificio Emprendia
Acceso á rede de contactos de Uninova.
Máis de 60 empresas apoiadas
Máis de 500 emprendedores asesorados
Máis de 15 proxectos europeos
Máis de 3.000 m2 espazo de incubación
Programas e Servizos
Dende Uninova ofrecemos, a través dos distintos programas e servizos, atención ás personas emprendedoras sobre o desenvolvemento da súa idea, o plan de empresa, a constitución e a consolidación.
Pre-Incubación
Argos
O programa ARGOS é unha iniciativa conxunta de Uninova e a Área de Valorización, Transferencia e Emprendemento (AVTE) da USC. O seu obxectivo é sensibilizar e adestrar estudantes e investigadores da USC no proceso de elaboración do plan de negocio e promover a creación de empresas na comunidade universitaria. Tomando como eixes o “traballo en equipo” o “aprender facendo”, acompáñase aos emprendedores no proceso de definición dunha idea de negocio, e avalíase a súa capacidade de chegar a un proxecto empresarial convincente.
Programa Santander Explorer ‘Mozos con ideas’ que impulsa o talento e a xeración de ideas innovadoras entre a mocidade. Promovido polo Banco Santander a través do Santander Universidades e coordinado polo Centro Internacional Santander Emprendemento (CISE) co apoio local da Universidade de Santiago de Compostela e a Xunta de Galicia. As persoas participantes benefícianse do acceso a un espazo coworking de alto rendemento con formación en innovación e modelos de negocio impartida por unha rede de máis de 200 expertos profesionais. Ao longo do programa reciben asesoramento personalizado para o desenvolvemento do seu proxecto e unha vez finalizado o proceso de formación e apoio, o mellor proxecto emprendedor de Explorer USC, realizará unha viaxe a Silicon Valley, o referente internacional máis importante en innovación e emprendemento, onde se lle brindará acceso a foros de financiamento, asesoramento en internacionalización e contacto con inversores. Ademais, os tres mellores proxectos nacionais recibirán 30.000, 20.000 e 10.000 euros para acelerar o desenvolvemento do seu negocio. Tamén se outorgará o premio Woman Explorer con 20.000 euros máis e que se concederá ao mellor premio liderado por unha muller e o Premio de Innovación Disruptiva, valorado en 3.000€.
O Edificio Emprendia ubicado no Campus Vida alberga empresas xurdidas do coñecemento xerado na Universidade de Santiago (Startups e Spin Offs) o que facilita a convivencia entre diferentes perfís profesionais e técnicos relacionados coa I+D.
Facilita o encontro con axentes sociais e económicos en torno a áreas de especial interese para a USC como a biomedicina, biotecnoloxía, materiais e tecnoloxías da información e comunicacións, sen excluír proxectos de interese en calquera outra área.
Conta cun conxunto de servizos e instalacións para dar apoio ás iniciativas empresariais que xorden tanto da actividade de I+D propia da USC como da cooperación entre a investigación universitaria e o seus socios empresariais.
Como entorno de alta innovación,o edificio EMPRENDIA, xestionado por Uninova, dispón de distintos tipos espazos:
Espazo en aluguer para actividades empresariais:
Espazo de Incubación: módulos de aluguer que ofrece servizos ás empresas de base tecnolóxica xeradas pola USC por períodos de tempo limitados.
Espazos de I+D para empresas xa constituídas ou empresas mixtas (USC-Socio Empresarial) que a partires de capacidades complementarias exploten novas áreas de negocio de interese común.
Espazo para valorización de resultados: estes mesmos módulos poden ser ocupados por grupos de investigación que desenvolvan proxectos concretos de valorización de resultados (acotados no tempo), para demostrar a viabilidade técnica e comercial de determinados resultados de investigación co obxectivo de facilitar a súa transferencia ao sector empresarial.
Espazos para servizos de apoio á transferencia de coñecemento:
Área de Valorización Transferencia e Emprendemento da USC
UNINOVA
UNIRISCO Sociedade de Capital Risco constituída pola USC, UDC, UVI e diversas entidades financeiras e empresariais galegas.
A través da Red PAE Uninova presta servizos de asesoramento integral e información aos emprendedores así como, a realización de todos os trámites necesarios para constitución das empresas de forma telemática, baixo diferentes formas xurídicas.
Como Punto de Atención ao Emprendedor, Uninova, presta servizos de: información, tramitación de documentación, asesoramento, formación e apoio á financiación empresarial das novas iniciativas empresariais
Incubación virtual
As empresas incubadas virtualmente poderan ter en Uninova a súa razón social, acceso ás salas de reunións do edificio, recollida de correspondencia, atención chamadas telefónicas, recollida de paquetería, asesoramento…
Spin Way é un programa internacional que combina a tradición do Camiño de Santiago co talento, axudando a novos emprendedores universitarios a poñer en marcha as súas empresas a través dunha vivencia única que pon a proba a resistencia, coñecemento e capacidade de cooperación dos participantes
Trátase dunha iniciativa aberta a estudantes de último ano de grao, de doutoramento ou posgrao nalgunha universidade da rexión iberoamericana que teñan un modelo de negocio que destaque polo seu elevado grao de innovación e potencial de crecemento, forte orientación ao mercado e alto impacto social, ambiental e económico nas comunidades onde se desenvolve.
Uninova e a AVTE colaboran coa Fundación da Innovación Bankinter, na organización anual do “Curso de Innovación Akademia You Project” dirixido a estudantes de último ano de carreira, máster e posgrado co que se pretende estimular unha actitude proactiva en innovación e espertar o espírito emprendedor
Programa europeo de intercambio de emprendedores e empresas. Trátase dunha iniciativa da Unión Europea na que UNINOVA participa dende o seu lanzamento como proxecto piloto no ano 2010 e que ofrece aos novos emprendedores:
Estadías formativas (1-6 meses) nunha PEME da Unión Europea e un grupo de países colaboradores de fora da UE
Adquisición de habilidades e destrezas para levar a cabo o desenvolvemento dun negocio
MD.USE desenvolve aplicacións de simulación e visualización molecular baseadas en ferramentas de Dinámica Molecular, Realidade Aumentada, Realidade Virtual, impresión 3D e Intelixencia Artificial para o ecosistema investigador e educativo das áreas de Química, Bioloxía ou Farmacia. Desenvolve software e ofrece servizos enfocados ao estudo de moléculas e interaccións entre moléculas co obxectivo de predecir en poucos minutos cómo se comportarán en certas condicións e cómo interactuarán entre elas de forma análoga ao que tería lugar nun laboratorio experimental. Desta forma a simulación computacional é unha opción en auxe para analizar o comportamento de moléculas que aínda non foron sintetizadas, predicindo o seu comportamento incluso antes de ter que prepararlas no laboratorio, e evitando así rutas non desexadas e contribuíndo en grande medida a descubrir posibles novas rutas de investigación. Entre os elementos diferenciadores dos seus produtos, MD.USE é pioneira no desenvolvemento de software que permite visualizar moléculas en Realidade Aumentada (AR) e Realidad Virtual (VR) de xeito completamente inmersiva en 3D e 360º utilizando carcasas para teléfonos móbiles (Cardboard de Google, Oculus e similares).
INDROPS é un laboratorio de análise de augas, solos, alimentos e outras matrices ambientais, acreditado por ENAC e con ámbito de actuación en toda España. Conta cunha delegación en La Laguna (Santa Cruz de tenerife).
Spin-off da USC dedicado ao desenvolvemento, produción e comercialización de sistemas de detección de radiacións ionizantes para aplicacións médicas e industriais e de accesorios e servizos asociados.
ICODA xurde tras 20 anos de investigación na USC no ámbito da co-dixestión anaerobia. Froito deste traballo nace o sistema de control Optiblender® co fin de optimizar o funcionamiento das prantas de biogás asegurando en todo momento a estabilidade do mesmo.
A equipa profesional e multidisciplinar que forma iCODA axuda a implementar procesos de co-dixestión anaerobia en plantas de biogás dunha forma metodolóxica e racional realizando unha transición nun tempo reducido e incrementando polo tanto a rentabilidade das instalacións. Mediante a aplicación do noso produto Optiblender® asegúrase a máxima produción de biogás sen comprometer a estabilidade dos dixestores cun alto compromiso de iCODA en todo momento.
Optiblender® é unha ferramenta desenvolvida e patentada (ES 2 516 615 B2) na Universidade de Santiago de Compostela destinada á maximización de biogás mediante procesos de co-dixestión anaerobia (ou tratamento conxunto de varios residuos mediante procesos anaeróbicos). Para elo, Optiblender® facilita a selección dos residuos máis axeitados e monitoriza dinámicamente a planta de biogás, tomando decisións sobre a dosificación dos distintos residuos atendendo á estabilidade do proceso.
Así poi, Optiblender® rastrexa un catálogo de residuos xerados cerca da instalación de dixestión anaerobia e considerando as características dos mesmos permite realizar a selección dos mesmos (Blender) tendo en conta que mestura de residuos e que proporción dos mesmos proporcionarán unha mayor produción de biogás sen comprometer a estabilidade do proceso. A mestura ávalíase primeiro nun simulador (VirtualPlant) e a continuación, grazas ó módulo Optimizer pódese axustar á mestura idónea de substratos. Unha vez seleccionados, tras mínimas adaptacións nas plantas actuais, Optiblender® poderase adaptar á planta de dixestión anarobia e dará as pautas de dosificación de residuos de modo gradual, e que como obxectivo final ten que se acade o máximo de produción de biogás tendo en conta o deseño actual da planta
Spin-off da USC dedicada ao desenvolvemento de novos materiais para o coidado da visión e a saúde ocular humana. En concreto, ao desenvolvemento de lentes de contacto como plataforma para a liberación de compostos na superficie ocular
Spin-off do Grupo de Investigación Stellae (Facultade de Ciencias da Educación, USC). DIMElab deseña, desenvolve e analiza medios educativos: aplicacións dixitais, videoxogos para educación e formación, xogos, xoguetes, guías, vídeos didácticos, etc.
Ofrece asesoramento pedagóxico a empresas e institucións interesadas en desenvolver materiais educativos ou recursos formativos. Realiza modelos educativos, guións multimedia e tests ou probas de produtos, independentemente do formato e das características do grupo destinatario.
SunRock Biopharma é unha empresa especializada no desenvolvemento de anticorpos monoclonales terapéuticos contra o cancro. A principal estratexia de acción contempla o desenvolvemento de anticorpos capaces de provocar unha resposta inmunolóxica específica contra tumores sólidos con mal pronóstico.
Spin off de bioestatística que realiza asesoramento, formación e investigación en técnicas e ferramentas estatísticas aplicables a estudos principalmente enmarcados nas ciencias da vida, e especialmente nas ciencias da saúde.
HIDROVERMI está propoñendo unha nova tecnoloxía que empregará os residuos procedentes das fosas sépticas de pequenas aldeas da zona rural de Galicia para a produción de gas metano e enerxía para o consumo do fogar.
S4SD
Incubación virtual
Spin-off da USC dedicada ao desenvolvemento de software científico para o estudo de propiedades físico-químicas de materiais e as súas interaccións.
Deroceras é una empresa orientada á xestión e control eficiente de especies plaga, así como á prevención de enfermidades ou plagas en cultivos de interese agrícola que permitirá unha mellora ambiental dos ecosistemas
Empresa de base tecnolóxica que ofrece solucións de medición e mitigación do gas radón nas edificacións, coas técnicas e equipos tecnolóxicos máis avanzados para a detección deste gas.
Intera é una spin-off que xorde da alianza do Laboratorio de Análises de Radiacións da USC (Universidade de Santiago de Compostela) e a empresa de enxeñaría da construción Inous para ofrecer solucións globais á concentración do gas radón nos interiores das edificacións.
Intera pon ao servizo dos seus clientes o coñecemento científico do seu equipo e a experiencia acumulada durante 15 anos e máis de 3.000 accións de medición e mitigación deste gas. Dispón dun método de traballo para resolver calqueira cuestión sobre a concentración de radón, tanto na prevención, como na medición ou a reducción.
Ofrece aos seus clientes:
— Asesoramento e execución de medidas preventivas na construción de novas edificacións.
— Medición da concentración de radón en edificios existentes.
— Deseño e implementación de solucións de mitigación e corrección pola acumulación de Radón.
— Formación e consultoría.
IMAGAMES é una empresa de gamificación. IMAGAMES implanta proxectos de gamificación en empresas para a formación e xestión do talento dos seus empregados.
Situm Technologies S.L. é unha spin-off do grupo de robótica persoal do CITIUS (USC) que desenvolveu unha precisa tecnoloxía de posicionamento similar GPS, pero para o interior de grandes edificios.
Estudio de diseño especializado en deseño gráfico, desenvolvemento web e identidade corporativa. Dende 2004 dedicamos o noso esforzo creativo a realizar proxectos que destaquen independentemente do seu tamaño.
Cienytech, empresa que conta coa cualificación de IEBT (Iniciativa Empresarial de Base Tecnolóxica) nace en febreiro de 2003 coa idea de ofrecer un servizo integral ao usuario de HPLC (High Perfomance Liquid Chromatography).
Consultoría sobre aplicacións empresariais en formato web, publicidade online e Cloud Computing, con especial incidencia en centros educativos e dispositivos móbiles
Eganet, acrónimo de Empresas Galegas Adicadas a Internet e ás Novas Tecnoloxías, é unha asociación empresarial que aglutina a empresas e profesionais galegos do sector de internet e as novas tecnoloxías.
AVA Soluciones Tecnológicas inicia a súa actividade empresarial no ano 2002 como resultado dun proxecto de investigación no campo das novas tecnoloxías (TIC) no seo da Universidade de Santiago de Compostela.
A transparencia e o acceso á información pública son principios que guían a actuación de UNINOVA como entidade de carácter público. Co obxectivo de profundizar na súa implantación e desenvolvemento creouse este Portal, que pon a disposición dos usuarios da incubadora e cidadáns en xeral información pública sobre contratacións, convenios, actividades, etc…
