XVI Concurso de Ideas Empresariais Innovadoras da USC
Do 09 de marzo de 2018 ao 09 de maio de 2018
A Área de Valorización, Transferencia e Emprendemento da Universidade de Santiago de Compostela, en colaboración con UNINOVA convoca un ano máis o “Concurso de Ideas Empresariais Innovadoras da USC”.
Este concurso, que vai dirixido a toda a comunidade universitaria e a todas as áreas de coñecemento da USC, ten por obxecto premiar a aquelas persoas emprendedoras que presenten ideas innovadoras susceptibles de converterse en proxectos empresariais a curto e medio prazo.
O prazo para presentarse a esta XVI edición na que se outorgarán 5 premios de 500 € cada un, finaliza o 6 de maio de 2018.