A Unión Europea Lanza o Programa “Erasmus para Novos Emprendedores” e Uninova participa como organismo intermedio

A Unión Europea Lanza o Programa “Erasmus para Novos Emprendedores” e Uninova participa como organismo intermedio

Do 01 de febreiro de 2017 ao 30 de decembro de 2022

Uninova, a incubadora de empresas da Universidade de Santiago de Compostela e do Concello de Santiago, lidera o consorcio YEIM, integrado por 10 socios: Uninova (España), Universidade de Munster (Alemaña), Cámara de Comercio de Paris (Francia), Project Ahead (Italia), Bohemia EU Planners (Repúbica Checa), Informo (Croacia), Logos (Italia), ICT Cluster (Bulgaria) e Cámara de Comercio de Badaxoz (España) e Vamos Scotland (Reino Unido).  

O programa Erasmus para Novos Emprendedores é unha iniciativa dirixida a axudar a novos emprendedores (New Entrepreneurs - NE) a adquirir habilidades para xestionar PEMES. Para elo os emprendedores terán a posibilidade de compartir un tempo (de 1 a 6 meses) cun empresario experimentado doutro país da Unión Europea e dun grupo de países participantes (entre eles, Albania, Armenia, Bosnia-Herzegovina, Antiga República de Iugoslavia, República de Macedonia, Islandia, Montenegro, Moldavia, Serbia, Turquía e Ucraína).

Os requisitos que debe cumprir o novo emprendedor son ter un plan de empresa, non contar con máis de 3 anos de experiencia levando a propia empresa e estar motivado para vivir unha experiencia que por seguro marcará a súa traxectoria empresarial.

Por outra banda, este programa tamén vai dirixido a aquelas empresas, PEMES, dispostas a acoller emprendedores doutros países, neste caso o único requisito é que os empresarios de acollida (Host Entrepreneurs – HE) teñan máis de 3 anos de experiencia en xestión empresarial e estean dispostos a compartir os seus coñecementos.

Os emprendedores coa súa participación beneficiaranse da oportunidade de aprender dun empresario con máis experiencia que dirixa unha PEME noutro país da Unión Europea e de varios países colaboradores, facilitando o acceso a novos mercados e a busca de socios comerciais. Así mesmo, os empresarios máis experimentados que acollan nas súas entidades aos novos emprendedores poderán abrir o seu mercado a outros países da Unión Europea e entrar en contacto con novas e estimulantes ideas.

O Programa “Erasmus para Novos Emprendedores” promove a iniciativa empresarial, a competitividade, a internacionalización e o crecemento da PEMES na Unión Europea. Ademais contribúe á transferencia de coñecementos técnicos e ao desenvolvemento da capacidade de xestión das PEMES.

UNINOVA, como organismo intermedio (Intermediary Organisation - IO) leva a cabo as labores de coordinación e apoio aos emprendedores e empresas participantes, así como a xestión dos emparellamentos empresariais (matchings) que se xeren a nivel europeo.

Para máis información:

UNINOVA

Rosa Sánchez Santos

+34 881 815 596

rosamaria.sanchez@usc.es

  Web oficial do programa www.erasmus-entrepreneurs.eu

Proxecto YEIM: https://entrepreneurinmotion.eu/

Plataforma YEIM: http://www.yeimplatform.eu/  

 

CONTACTO